请听评弹知识讲座第四讲，中篇、短篇搭仔分回，由 廖望 同志供稿。

中篇、短篇搭仔分回。传统个长篇呢是每篇一回，有俚个连续性格。倷每天听下去，听仔前头个再听后头个呢，哦哟，搿是听来搿个书呢，亦听亦有味道。但是，倘使倷当中抽个一两回出来听听呢，对书请弗大熟悉个人呢，哎，就会觉着丈二个和尚，头路也摸不着则。特别像建国以后，大家忙于工作，建设社会主义。为了适应实梗一个新个情况呢，为仔使得听众能够勒一个夜里个向，用一个夜里个辰光，听到有头有脑一个完整个故事，所以一九五二年呢，上海市人民评弹团参加《治淮》宣传回转来啦，俚笃尝试创造了一种最最新个说唱形式，啥物事呢？搿个形式一般讲起来包括三到四回，每回书大概唱四十五分钟到一个钟头左右，全部故事说完么也不过两三个钟头。为仔要区分原来个长篇形式，参考小说分类个方法呢，一般称俚为中篇。中篇演出辰光啦，有辰光评话演员搭弹词演员同台合演。哦哟，实梗一来么各显所长么各有千秋。所以，一般人称为中篇评弹。第一部中篇评弹就是上海市人民评弹团演出个《一定要把淮河修好》。现在请老听众听朱慧珍勒浪《淮河》中篇当中唱格《新年锣鼓响连天》：

[录音片段]

有辰光呢，中篇前头讲一段，大约总半个钟头模样个评话。起啥个作用呢？起开场词头个作用，赛过戏剧个序幕。借用南曲当中开场戏个名称叫作楔子。评弹当中出现楔子个形式啦最早勒浪《王孝和》中篇里向。现在我伲就请大家听一段中篇评弹《王孝和》楔子，由 唐耿良 演讲：

[录音片段]

刚才大家已经听到则，搿个就是中篇《王孝和》当中个楔子。中篇个出现啦，由于集中、精炼，能够勒一个夜里向听全。所以听众是非常欢喜中篇实梗个形式嘅。同时由于篇幅弗长，比较适合反应现代生活个题材，搭仔改编戏剧、电影等等。扩大了评弹个题材，使得评弹积累了很多个数目。中篇评弹有《海上英雄》、《芦苇青青》、《李双双》、《真情假意》，现在侪成为搭长篇评弹书目一样个保留书目。中篇评弹《芦苇青青》勒上海个辰光，夜里向要连续演出七八个月的了。搿么勒整理传统书目个辰光呢，我伲也利用中篇个形式，拿精华部分挖掘出来，整理加工。成为主体鲜明、矛盾集中、人物突出个书目。搿种以中篇形式整理个传统书目呢，很受听众欢迎。内当中有《林冲》、《老地保》、《大生堂》、《三月牡丹亭》、《厅堂夺子》等等。现在请老听众听中篇评弹《三约牡丹亭》中一段片段，由 刘天韵 、 严雪亭 、 朱雪琴 、 薛惠君 演唱：

[录音片段]

勒浪中篇个演出当中呢除脱发展说表个特长之外，勒浪表演浪向也加强了，并且加强了角色个表白搭仔抒情、咏叹格唱段。比中篇更加精炼格，有辰光勒一回书里向可以设计一段故事，我伲叫啥呢，叫短篇。短篇个演出时间大约勒三刻钟搭仔一小时左右，勒浪听众当中呢也有一定影响个短篇是很多很多个。像《刘胡兰就义》、《初进初出》、《营业时间》、《礼拜天》、《小二黑结婚》等等。现在请老听众听短篇弹词《小二黑结婚》，由 刘天韵 、 徐雪月 、 陈红 霞演唱：

[录音片段]

所以经过集中整理，提炼个长篇书目当中个精华部分。演出时间呢，一般讲起来勒浪一个钟头左右，就弗叫短篇了。搿么叫啥呢？一般讲起来就叫分回，也有的叫折子书。其实呢，折子是戏剧的名称，用勒书浪向呢是弗够恰当个。还是称为分回，或者选回比较合适。经过演员们弗断个整理加工，所以实梗些儿年数来呢也积累了许多可以保留的节目，传统分回。像《玄都求雨》啊、《庵堂认娘》啊、《闹柬》啊、《马跳围墙》、《战樊城》等等，现在下头就请听《玄都求雨》当中个片段由 刘天韵 、 苏似荫 演播：

[录音片段]

评弹知识讲座第四讲今朝就播送到此地。

**《评弹知识讲座》由网roger_king根据网络录音整理。
**请各位朋友尊重的作者的版权，如果我们不慎侵犯了您的版权，请您及时联系我们，我们也会立即做出回应。